سازمانی خه‌باتی کوردستانی ئێران
لە شاری ماکۆی پارێزگای ورمێ، سێ کەس بەهۆی خواردنەوەی مەشروباتی ئەلکولی گیانیان دا و ٢٠ کەسی دیکەش ژەهرخۆر بوون.
بەوتەی سابر جەعفەری، داواکاری گشتی سیستەمی گەندەڵی قەزایی ڕژیم لە شاری ماکۆ، لەبەر ئەوەی بابەتەکە زۆر هەستیار بووە، دەستبەجێ بڕیاری لێکۆڵینەوە دراوە و چوار فرۆشیار گیراون.
جێی ئاماژەیە، لە ئێران و كوردستانی ئێران كڕین و فرۆشتنی خوردنەوه دەستكردەكان زۆر زیادی كردووە و بەشێک لەوانەش بەناوی خواردنەوە بیانییەکان دەفرۆشرێن، یان خواردنەوە دەستکردەکان ئێتانۆڵیان تێدەکرێت و ئەم بابەتانە زۆرجار دەبنە هۆی کوێری و مەردنی بەکارهێنەران.
بەپێی راپۆرتە فەرمییەکان، ساڵانە لە ئێراندا ١٠٠ تاوەکوو ١٢٠ کەس بەهۆی ئەو جۆرەخواردنەوانە گیان دەدەن.
