سازمانی خه‌باتی کوردستانی ئێران
ئەمریکا و ژمارەیەک لە هاوپەیمانەکانی، لە بەیاننامەیەکدا کە لە لایەن زیاتر لە دە وڵاتەوە پەسەند کراوە، دوا وریایی خۆیان بە تاقمی ترۆریستی حوسیەکانی یەمەن دا کە بە پشتیوانی ڕژیمی ترۆریست پەروەری ئاخوندی مووشەک بەرەو دەریای سوور هەڵدەدات.
ئەم وڵاتانە وریاییان دا لە بەرانبەر ئەم تاقمە ترۆریستییە؛ یان دەستبەجێ هێرشەکان بۆ سەر کەشتییە نێودەوڵەتییەکان لە دەریای سوور ڕابگرن یان ئامادەبن لێکەوتەی هەڵسوکەوتەکانیان هەڵبگرن.
لە ڕاگەیەندراوەکەدا پێداگری لەوە کراوەتەوە: هێرشەکانی ئێستای حوسییەکان لە دەریای سوور نایاسایی و قبوڵ ناکرێت و بە قووڵی ناسەقامگیرکەرن. ئەگەر حوسییەکان بەردەوام بن لە هەڕەشەکردن لە ژیان و ئابووری جیهانی و ڕۆیشتنی ئازادی بازرگانی لە ڕێڕەوی ئاوە گرنگەکانی ناوچەکەدا، ئەوا دەرئەنجامەکانی دەبینن.
