سازمانی خه‌باتی کوردستانی ئێران
ئەمەریکا جارێکی دیکە پێگەکانی حوسییەکانی لەنێو خاکی یەمەن بە مووشەکی تۆماهۆک بۆردوومان كردەوە.
فەرماندەیی ناوەندی هێزەکانی ئەمەریکا (سێنتکام) بڵاویکردەوە، بەرەبەیانی ئەمڕۆ شەممە، ٢٢ی بەفرانباری ۱۴۰۲ی هەتاوی، بە مووشەکی تۆماهۆک هێرشیان کردووەتە سەر پێگەیەکی حوسییەکان لەنێو خاکی یەمەن کە سیستەمی راداری تێدابووە و، وێرانیان کردووە.
سێنتکام ئاماژەی بەوەش داوە، حوسییەکان کە گروپێکی ترۆریستی سەر بە دەسەڵاتدارنی ئێرانن, ٣٨ جار بەبەکارهێنانی مووشک و درۆن هێرشیان كردووەتە سەر کەشتیییە بازرگانییەکانیان لە دەریای سوور.
هاوکات ئاژانسی رۆیتەرز ئاشکرایکردووە، هێرشی ئەمجارەی ئەمەریکا بۆ سەر حوسییەکان لە شاری سەنعای پایتەختی یەمەن بووە و، بەبەراورد بە هێرشەکانی ١٢ی مانگی زایینی، کەمتر بووە.
