سازمانی خه‌باتی کوردستانی ئێران
وەزارەتی دەرەوەی عێراق رایگەیاند کە هەڵسوکەوتی دەسەڵاتدارانی رژیمی ئێران، پێشێلکردنی سەروەریی عێراقە و لە ئەنجومەنی ئاسایش سكاڵا دەکەین
وەزارەتی دەرەوەی عێراق لە ئیدانەکردنی هێرشە ترۆریستییەکەی سپای پاسداران بۆ سەر هەولێر لە هەریمی کوردستان پێداگری لەوە کردەوە: ئێمە ئەو هەڵسوکەوتەی رژیمی ئێران بە پێشێلکردنی سەروەریی عێراق و ئاسایشی گەلەکەی و سووکایەتیکردن بە دراوسێیەتی دەزانین.
وەزارەتی دەرەوەی عێراق ئاماژەی بەوەشکرد؛ ئێمە هێرشی رژیمی ئاخوندی ئێران بۆ سەر خاکی عێراق بە پێشێلکردنی سەروەریی نیشتمانی دەزانین و بە توندی شەرمەزاریی دەکەین و سکاڵا لە ئەنجوومەنی ئاسایش دەکەین.
وەزارەتی دەرەوەی عێراق ڕایگەیاند؛ سەرۆکوەزیرانی عێراق فەرمانی پێکهێنانی لیژنەیەکی تایبەت بۆ پێداچوونەوە بە بەڵگەنامەکانی هێرشی مووشەکیی رژیمی ئیڕان و پێشکەشکردنی بە ئەنجوومەنی ئاسایش دەرکرد.
