سازمانی خه‌باتی کوردستانی ئێران
ڕۆژی سێشەممە، ٢٦ی بەفرانباری ١٤٠٢، کۆڵبەرێکی کورد بە ناوی "ئیدریس ئیسماعیلی"، تەمەن ٣٠ ساڵ و خەڵکی سەقز بە هۆی بەرکەوتنی فیشەک و لێدانی هێزە نیزامییەکان لە سنووری بانە، بەتوندی بریندار کراوە.
بە پێی ڕاپۆرتی کوردپا، ئەم کۆڵبەرە سەرەتا لە نزیکەوە لەلایەن ترۆریستە چەکدارەکانی ڕژیم تەقەی لێ کراوە و دواتر ئەم هێزانە بە پوتینەکانیان لێیان داوە.
هێزە سەرکوتکەرەکانی هەنگی سنووری پاش بریندارکردنی ئەم کۆڵبەرە بەجێیان هێشتووە و پاش چەند سەعات لەلایەن خەڵکی ئەو ناوچەیەوە دۆزراوەتەوە و ڕەوانەی نەخۆشخانە کراوە.
ئەمە لەحاڵێکدایە کە ئیدریس ئیسماعیلی و ئەو کۆڵبەرانەی کە لەگەڵی بوون هیچ بارێکیان پێ نەبووە. شایانی باسە کە ئیدریس ئیسماعیلی خێزاندار و باوکی منداڵێکە.
