سازمانی خه‌باتی کوردستانی ئێران
کەناڵی سی بی ئێس لە زاری کاربەدەستانی حکومەتی ئەمریکا بڵاویکردەوە کە پلانەکانی ئەمریکا بۆ هێرشکردنە سەر ئامانجە پەیوەندیدارەکان بە ڕژیمی ئێران پەسەند کراوە.
ئەم هێرشە چەند ڕۆژێکی دیكە بۆ سەر ئامانجێك لە عێراق و سووری، لەوانەش کارمەندان و دامەزراوەكانی حکومەتی ئاخوندی ئێران لەم دوو وڵاتە ئەنجام دەدرێت.
بە پێی ئەم ڕاپۆرتە، یەکێک لە هۆکارە کاریگەرەکانی سەرەتای ئەم ئۆپەراسیۆنە سەربازییە، هەوایە؛ چونکە ئەمریکا پێی باشە ئەم هێرشانە لە دۆخی هەوای لەباردا ئەنجام بدرێت بۆ ئەوەی ئەگەری لێدانی هاوولاتییانی مەدەنی بە بینینی باشتر کەم بکاتەوە.
لەم ڕاپۆرتەدا هاتووە کە لە دوێنێوە هێرشی ئەو گرووپانەی کە ڕژیمی ئێران پشتیوانیان لێدەکەن دژی هێزەکانی ئەمریکا وەستاوە، بەڵام ئەمە کاریگەریی لەسەر هێرشەکانی ئەمریکا لە داهاتوودا نابێت.
