سازمانی خه‌باتی کوردستانی ئێران
ئەکبەر لەکستانی، چالاکی سیاسی کە بە هۆی شکەنجەدانی لەلایەن دەزگای ترۆریستی ئیتلاعاتی ڕژیم تووشی کێشەی جەستەیی لە لاقی بووە، لە نەخۆشخانەی سەنڕایز لە ئەمریکا نەشتەرگەری بۆ کرا و چوار پەنجەی قاچی دیکەی پێی ڕاستی بڕایەوە.
پزیشکانی شارەزا ڕایانگەیاندووە کە ئەگەری پێشکەوتنی هەوکردن لە قاچەکانی زۆر بەرزە و تەنانەت ڕەنگە ببێتە هۆی بڕینەوەی قاچەکانی.
لەکستانی کە ماوەیەکی تەمەنی لە بەندیخانەکانی ڕژیم دا بەسەر بردووە و لەژێر فشاری دامودەزگا ترۆریستیەکانی ئیتلاعات ڕژیم وڵاتی بەجێهێشتووە، لە ساڵی ٩٨ لە سەفەرێکی بۆ ئێران بۆ سەردانی دایکە نەخۆشەکەی گیراوه.
ئەم چالاکە سیاسییە لە ماوەی گرتنیدا، بەهۆی شکەنجەی دەروونی و جەستەیی، تووشی کێشەی جەستەیی سەخت بووە، کە تەنانەت ڕەنگە دەرئەنجامەکانیش بگاتە ئەگەری بڕینی بەشەکانی جەستەی.
