سازمانی خه‌باتی کوردستانی ئێران
بە داخەوە مامۆستا مەلا حەسەنی نستان كەسایەتی نیشتمان پەروەرو تێكۆشەری شاری ڕەبەت و سەردەشت، تێكۆشەری دێرینی ڕیزەكانی سازمانی خەبات ی كوردستانی ئێران، خەباتكارو ئازادیخوزازو نەیاری ڕژیمی شاو ڕژیمی ئاخوندیی و هاوڕێی و دۆستی نزیكی مامۆستا شێخ جەلال حوسەینی و پشتیوانی سازمانی خەبات، كۆچی دوایی كرد.
كۆچی دوایی مامۆستا مەلا حەسەنی مەحمودیان خەسارەتێكی گەورە بوو بۆ خەڵكی ناوچەی ڕەبەت بە گشتی و ناوچەی سەردەشت و گوندی نستان و سازمانی خەبات بە تایبەتی.
كۆچی دوایی مامۆستا مەلا حەسەن بووە هۆی خەم وپەژارەم، بەم بۆنەوە لە لایەن خۆم و هاوباوەڕانم لە ڕیزەكانی سازمانی خەبات سەرەخۆشی بە خانەوادەی بەڕێزیان و خەڵكی تێكۆشەری گوندی نستان و سیسێر و ناوچەی ڕەبەت و شاری سەردەشت ڕادەگەێینم.
دوامەنزڵی مامۆستا مەلا حەسەن بەهشتی بەرین بێ
سازمانی خەبات ی كوردستانی ئێران
سكرتێری گشتی
بابەشێخ حوسەینی
۲۰ ی ڕێبەندانی ۱۴۰۲ی كۆچی خۆری
