سازمانی خه‌باتی کوردستانی ئێران
ڕۆژی سێشەممە ۸ی رەشەمەی ۱۴۰۲ی هەتاوی، كاسبكارێکی خەڵکی سەردەشتی بە ناوی کاوان ئەمجەد نیا، كە بەتەقەی هێزە ترۆریستەکانی ڕژیم لە سەر سنوور كوژرا، بە بەشداریی خەڵكێكی زۆر لە گوندی میراوێ بە خاك سپێردرا.
كوشتنی ئەم کۆڵبەرە بێتاوانه ناڕەزایەتیی خەڵكی گوندەكانی میراوێ، ساوان و گۆڕەشێری لێ كەوتووەتەوەو هەر بۆیە ئەو خەڵکە وازاڵەهاتووه بڕیاریان داوە کە دەبێ ڕۆژی هەینی سندووقی دەنگدانی هەڵبژاردنی پەرلەمانی ڕژیمی ئاخوندی ئێران بسووتێنن.
كاوان ئەمجەدی نیا ڕۆژی سێشەممە ۸ی رەشەمە لە دژبانیێکی ڕژیم لە نێوان گوندەكانی گۆڕەشێر و ساوان تەقەی لێكرا و بەم هۆیەوە ئۆتۆمبێلەكەی وەرگەڕا و گوللـە بەر خۆشی كەوت و گیانی لە دا.
دوای کوشتنی دڕندانەی ئەو كاسبكارە هێزێكی زۆر كە ١٣ ئۆتۆمبێلی سەربازییان پێبووە، لە ترسی ئەوەی خەڵك هێرش بكەنە سەر بنكە سەربازییەكە هاتبوونە شوێنی ڕووداوەكە، بۆ ئەوەی پلەدارە تەقەكەرەكەی پۆلیسی ڕژیم لەگەڵ خۆیان بەرو سەردەشت بەرن.
شایانی باسە کە خەڵك هەڕەشەیان كردبوو ئەگەر تەقەكەرەكە لە بنكە دەركەوێ تۆڵە دەكەنەوە و دەیكوژن.
