سازمانی خه‌باتی کوردستانی ئێران
عەبدوڵا ڕەهنەوەرد، هاووڵاتی کوردی خەڵکی مەریوان کە لەلایەن ئیتلاعاتی ترۆریستی سپای پاسداران گیراوە، ماوەی 20 ڕۆژە کە لە گرتووخانەی ئەم ناوەند جینایەتکارە چارەنووسی ناڕوونە.
بەپێی هەواڵ و ڕاپۆرتەکان، ڕۆژی شەممە 21ی ڕێبەندانی 1402ی هەتاوی، عەبدوڵا ڕەهنەوەرد، تەمەن 48ساڵ و خەڵکی گوندی گیلی کران، سەر بە شاری مەریوان گیراوە.
بەووتەی سەرچاوەیەکی ئاگاداری نزیک لە خانەوادەی کاک عەبدوڵا، ئەم هاووڵاتیە لە دوای گرتنی، گوازراوەتەوە بۆ قەرارگای شەهرام فەری ئیتلاعاتی ترۆرستی سپای پاسداران لە سنە.
شایەنی باسە کە هەتا ئێستا، هیچ زانیاریەک لەهۆی گرتن و هەروەها تۆمەتە وەپاڵدراوەکان بۆ سەر ئەم هاووڵاتیە لەبەردەست دا نیە.
