سازمانی خه‌باتی کوردستانی ئێران
ڕۆژی دووشەممە، ١٤ی ڕەشەمە، کۆمەڵێک لە دووکاندارانی شاری بانە، بە نیشانەی ناڕەزایەتیدەربڕین بە داخرانی سنوورەکان لە بەردەم فەرمانداریی ئەو شارە کۆ بوونەوە و خوازیاری کردنەوەی سنوورەکان بوون.
بەپێی هەندێک ڕاپۆرت و زانیاری، سنوورەکان ماوەی مانگ و نێوێکە لەلایەن دەسەڵاتدرانی ڕژیمەوە داخراون و ئەمە زیانێکی زۆری بە دووکانداران و کاسبکارانی ئەم شارە گەیاندووە.
ناوەندە پێوەندیدارەکانی ڕژیم بە بێ گرینگیدان بە دۆخی ژیانی خەڵکی ئەم سنوورانە و بە داخستنی سنوورەکان، زیانێکی زۆر گەورە بە کەرتی ئابووری شارەکە دەگەیێنن.
