سازمانی خه‌باتی کوردستانی ئێران
لە ئەنجامی تەقەی ڕاستەوخۆی هێزە سەرکوتکەرەکانی ڕژیم لە سنورەکانی کوردستان، لانیکەم 5کۆڵبەر بریندار کراون.
بەپێی ڕاپۆرتی سەرچاوە هەواڵیەکان.سەر لەبەیانی ئەمڕۆ دووشەممە 21ی 1402ی هەتاوی، لانیکەم 5کۆڵبەر بەتەقەی ڕاستەوخۆی هێزە جینایەتکارەکانی سەرسنوری ڕژیم، بریندار کراون، کە ناوی چوار کەسیان پشت ڕاست کراوەتەوە، ناوی ئەم کۆڵبەرە بریندارانە بریتین لە، مەسعوود مەنسووری،ئومێد مورادی، هادی و محەممەدی. جێی ئاماژەیە کە ناوی کۆڵبەرەکەی دیکە پشتڕاست نەکراوەتەوە.
یەکێک لەم کۆڵبەرانە بەناوی مەسعوود مەنسووری بە سێ فیشەکی ساچمەیی لاقی بەسەختی بریندار کراوە و زانیاریەکان باس لەوە دەکەن کە ئەگەری هەیە بەهۆی سەختی برینەکەیەوە لاقی ئەم کۆڵبەرە ببڕدرێتەوە.
