سازمانی خه‌باتی کوردستانی ئێران
کەریم بوستانچی، مامۆستا و چالاکی سێنفی، لەلایەن بێدادگای بەناو ئینقلاب و تاوانکاری ڕژیم لە ورمێ سێ مانگ حوکمی ناڕەوای تەعزیری بەسەردا سەپا.
بەپێی ڕاپۆرتی سەرچاوە هەواڵیەکان،لەم ڕۆژانەی دواییدا کەریم بوستانچی، مامۆستای قوتابخانە و چالاکی سێنفی فەرهەنگیان و دانیشتووی ورمێ، لە سەر بابەتی دۆسیەیێکی ساختەی ڕژیم لە دووبەشی جیاواز، بە کۆی گشتی بە سێ مانگ حوکمی ناڕەوای تەعزیری و دانی جەریمەی نەحتی و دەست بەسەردا گرتنی کەل و پەلە ئێلێکترۆنیکیەکانی وەک ئامرازێکی بەکار هێنانی تاوان سزا دراوە.ئەم هاووڵاتیە ئازەریە لە لایەن دەزگای ساختەچی قەزایی ڕژیم لە ورمێ لەسەر بابەت و تۆمەتی ساختەی تەبلیغ دژ بە ڕژیم، بەسێ مانگ حوکمی ناڕەوای تەعزیری، لەلایەن بەرپرسی لقی 110ی دادگای گەندەڵ و تاوانکاری 2ی ئەم شارە، قازی ڕەزا حەیدەرزادە، بەتۆمەتی ساختەی بڵاو کردنەوەی درۆ لە تۆڕەکۆمەڵایەتیەکان بە مەبەستی بەلاڕێدا بردنی ڕای گشتی، بە دانی جەریمەی نەختی 15ملیۆن تمەن و دەست بەسەردا گرتنی موبایل لەکاتی گیران لەڕۆژانی یەکەمی گیرانی سزا درابوو.
هەروەها ئەم چالاکە سێنفیە لە حوکمێکی دیکەدا کە لەلایەن دەستەی سەرپێچیە کارگێڕیەکانی وەزارەتی پەروەردەی ڕژیم لە ورمێ پێی ڕاگەیەندراوە، لەدوای 27ساڵ خزمەت لەم ڕێکخراوە، بەکەم کردنەوەی یەک گرووپ بەخانە نشینی ناچاری سزا دراوە.
