سازمانی خه‌باتی کوردستانی ئێران
ڕۆژی یەکشەممە، ١٩ی خاکەلێوە، دکتور ئیرەج محەمەدزادە، ڕۆژنامەنووسی تەمەن ٤٥ ساڵ و خەڵکی شاری جوانڕۆ، دوای ئەوەی کە لەلایەن دەزگای قەزایی ڕژیم لە ئەو شارە بانگ کراوە، لەلایەن سەرکوتکەرەکانی ڕژیم گیراوە.
بە وتەی سەرچاوەیەکی ئاگادار، ئەو هاووڵاتییە ڕۆژنامەنووس چالاکانی ڕاگەیاندنە کە بەڕێوەبەری کەناڵی تێلێگرامی (تیتر غەرب) و خوێندکاری دکتۆرای زانستە سیاسییەکان لەیەکێک لە زانکۆکانی تارانە، دوای گرتنی بۆ یەکێک لە گرتووخانەکانی سەر بە ناوەندە سەرکوتکەر و بەناو ئەمنیەکانی شاری کرماشان گواسترایەوە.
شایانی باسە کە هێشتا هیچ زانیاریی ورد و دروست لەسەر هۆی گرتن، تۆمەتی ساخته و هەروەها چارەنووس و شوێنی ڕاگیرانی ناوبراو، لە بەردەستدا نییە.
