سازمانی خه‌باتی کوردستانی ئێران
بەپێی ئەو ڕاپۆرتانەی کە لە ناوخۆی وڵاتەوە بە ناوەندی هەواڵدەری خەباتمێدیا گەیشتووە، ڕۆژی چوارشەممه ۲۹ی خاکەلێوەی ۱۴۰۳، لاوێکی خەڵکی بۆکان بەناوی ئاریەن یاوەری پاش شەش مانگ بەندکران کە بە بارمتە ئازاد کرابوو، کۆتایی بە ژیانی خۆی هێناوە.
ناوبراو یەکێک لەو کەسانە بووه کە بەهۆی بەشداری و ڕۆڵگێڕان لە شۆڕشی ژینادا لەلایەن هێزە بەکرێگیراوەکانی ڕژیم گیرا بوو وە بە وتەی دۆستان و کەسانی نزیکەوە، ناوبراو لە ماوەی بەندکرانی دا شکەنجەیەکی زۆر درا بوو وە تەنانەت باس لەوەش دەکەن کە ئازاری جنسی دراوە. هەر بەم هۆیانەوه ئەم لاوە پاش ئازادکرانی بە هۆی ئەو گشتە شکەنجەو دەست درێژیەی کراوەتە سەری، وای کردوە کۆتایی بە ژیانی خۆی بێنێ.
شایانی باسە کە هەتا ئێستا چەندین هەواڵ بڵاو کراونەتەوەو ڕاپۆرتی ئەوە دراوە کە کەسانێک کە لە شۆڕشی ژینادا گیراون، پاش ئازاد کرانیان بە هۆی ئەوەی بەسەریاندا هاتوەو ئەو ئازار و شکەنجانەی کە دراون، خۆیان کوشتوەو کۆتاییان بە ژیانیان هێناوە.
