سازمانی خه‌باتی کوردستانی ئێران
بەپێی ڕاپۆرتی سەرچاوە هەواڵیەکان، ڕۆژی هەینی ٣١ی خاكەلێوەی ۱۴۰۳، هێزە چەکدارەکانی ڕژیم لە درێژەی سەرکوت و کوشتنی کۆڵبەرەکانی کوردستان، تەفەی ڕاستەوخۆیان لە پۆلێک کۆڵبەر کردوە و لە ئەنجامدا شەش کۆلبەر بریندار کراون.
بەپێی ڕاپۆرتی کۆلبەر نیوز، ناوی سێ کەسیان لەم کۆڵبەرانە موعین و محەممەد لە دانیشتووانی جوانڕۆ و سەعید خەڵکی گوندی سەفی ئاوا سەر بە جوانڕۆ ڕاگەیندراوە.
شایانی باسە کە تا ئێستا هیچ زانیارییەک لەبارەی باری جەستەیی بریندارەکان و ناوی كۆڵبەرەكانی دیكە نییە.
هەروەها هەر لەم پەیوەندیەدا ڕۆژی پێنجشەممە ٣٠ی خاكەلێوەی ١٤٠٣، کۆڵبەرێكی تەمەن ٢٠ ساڵ بە ناوی کەیوان دارابی خەڵکی شاری سەرپێڵ زەهاو لە سنووری "هەنگەژاڵ"ی بانە بە تەقە ترۆریستە بەکرێگیراوەکانی ڕژیم، قاچی بە سەختی بریندار کراوە و بۆ چارەسەری پزیشكی بۆ نەخۆشخانەی سەقز گواسترایەوە.
