سازمانی خه‌باتی کوردستانی ئێران
بەشی قەزایی و بە ناو دادگای ڕژیمی ئاخوندی، حوكمی ئیعدامی بۆ توماج ساڵحی پەسەند كرد. توماج ساڵحی هونەرمەندی شۆرشگێڕو زیندانی سیاسی، بە هۆی پێداگری لە سەر هەڵوێستەكانی و بەربەرەكانی لەگەڵ سیاسەتە دژمنكاریەكانی ڕژیمی ئاخوندی و بۆ بەدەست هێنانی ماف و ئازادی بۆ گەلانی ئێران، حوكمی ئیعدامی بەسەردا سەپێندراوە.
ئاشكرایە دەسەڵاتدارانی ڕژیمی ئاخوندی بە پەیڕەو كردنی سیاسەتی سەركوت و ئیعدامی تیكۆشەران و بە هێرش بۆ سەر ئافرەتان بە بیانوی ناپەسەند، بە خەیاڵی خاویان، خەڵكی ئێران لە بەشداری كردن لە خەبات و ڕاپەڕین پاشگەز دەكاتەوە بەڵام وەك دەبیندرێ ، تێكۆشان و خۆڕاگری گەلانی ئێران لە بەرانبەر ئەو ڕژیمە دیكتاتۆرە بەردەوامەو سیاسەتی سەركوت هەڕەشەو ئیعدامی تێكۆشەرانی ئازادیخواز نەیتوانیوە گەلی كورد لە تێكۆشان بۆ بەدەست هێنانی مافەكانی پاشگەز بكاتەوە.
سازمانی خەبات ی كوردستانی ئێران وێڕای مەحكوم كردنی حوكمی ناڕەوای ئیعدام بۆ توماج ساڵحی، داوا لە جەماوەری كوردستان و تێكڕای خەڵكی ئێران دەكات لە بەرانبەر ئەو حوكمە دژی ئینسانی و ناڕەوایەدا بە هەر شێوەیەك كە بۆیان دەكرێ ناڕەزایەتی دەرببڕن.
سازمانی خەبات ی كوردستانی ئێران
۶ ی بانەمەڕی ۱۴۰۳ كۆچی خۆری
