سازمانی خه‌باتی کوردستانی ئێران
هاووڵاتییەکی کورد و خەڵکی پاوە بە ناوی سوهەیب ئیقباڵی ماوەی زیاتر لە چوار ڕۆژە لەلایەن هێزە بەكرێگیراوەكانی ڕژیمی ئاخوندی لە کرماشان گیراوەو چارەنووسی نادیارە.
بەپێی راپۆرتی سەرچاوە هەواڵیەکان، ڕۆژی سێشەممە ١٨ی بانەمەڕ، سوهەیب ئیقباڵی تەمەن ٣٠ ساڵ و خەڵکی پاوە، لەلایەن هێزەکانی ئیدارەی تروریستی ئیتلاعاتی رژیم لە لە کرماشان گیراوەو بۆ گرتووخانەی ئەم ناوەندە تروریستیە گوازراوەتەوە.
بە وتەی سەرچاوەیەکی ئاگادار و نزیک لە خانەوادەی ئیقباڵی، سوهەیب ئیقباڵی کە شۆفێرە، سەعاتی ٣:٣٠ دوای نیوەڕۆی ڕۆژی سێشەممە لە سێرێیانی قازانچی لەلایەن هێزەکانی ئیدارەی تروریستی ئیتلاعاتی رژیم هێرش کراوەتە سەری و بە توندوتیژیەوە گیراوە.
