سازمانی خه‌باتی کوردستانی ئێران
بەپێی ڕاپۆرتی سەرچاوە هەواڵیەکان، ڕۆژی سێشەممە ٢٨ی بانەمەڕ، زانکۆ ئێرانزادە تەمەن ٣٢ ساڵ و عومەر شەریفپوور تەمەن ٢٣ ساڵ، هەر دووکیان خەڵکی گوندی "قەڵا ڕەشی" سەر بە شاری سەردەشت لەلایەن هێزەکانی ئیدارەی تروریستی ئیتلاعاتی رژیمەوە گیراون و بۆ شوێنێکی نادیار گواسترانەوە.
بە وتەی سەرچاوەیەکی نزیک لە خانەوادەی ئەم دوو هاووڵاتییە، هێزەکانی ئیدارەی ئیتلاعاتی رژیم سەعات ٤ی بەیانی بەبێ نیشاندانی هیچ جۆرە بەڵگەیەکی دادوەری هێرشیان کردووەتە سەر ماڵی ئەم دوو هاووڵاتییە و بە بەکاربردنی توندوتیژییەوە گرتوویانن.
ئەم دوو هاووڵاتییە لە پەیوەندی لەگەڵ ڕێوڕەسمەکانی تایبەت نەورۆز لە کوردستاندا بووە و سەرەڕای تێپەڕبوونی ٦ ڕۆژ لە کاتی گرتنیان، زانیارییەک لە سەر چارەنووسیان لە بەردەستدا نییە و بەدواچوونەوەی خانەوادەکانیشیان تا ئێستا بێ ئەنجام بووە.
