سازمانی خه‌باتی کوردستانی ئێران
وێدانت پاتێل، جێگری وتەبێژی وەزارەتی دەرەوەی ئەمریکا، سەبارەت بە گواستنەوەی سووتەمەنی لە ناوخۆی ئێرانەوە بۆ پاکستان، روو لە دەسەڵاتدارانی پاکستانی وریایی دا کە مەترسییەکانی ئەو جۆرە هاوکارییە بازرگانییانە لەگەڵ رژیمی ئاخوندی ئێران دەبێ لەبەرچاو بگرن.
بەپێی ڕاپۆرتی دەزگا هەواڵگرییەکانی پاکستان، "دەڵاڵەکان لە ئێران" لە ساڵی ڕابردوودا زیاتر لە یەک ملیار دۆلار بەنزین و سووتەمەنیی گازۆیلیان بە قاچاخ بردووە بۆ پاکستان.
لەم ڕاپۆرتەدا باس لە ٢٠٠ دەڵاڵ و قاچاخچی کراوە و ئاماژە بەوە کراوە کە دەسەڵات دارانی رژیمی ئێران لە شێوەی بەرتیلدا سوود لەم کارە وەردەگرن.
بە پێی ڕاپۆرتی دەزگا هەواڵگرییەکانی پاکستان، قاچاخی سوتەمەنیی لە ئێران بۆ ئەو وڵاتە لە ساڵی ڕابردوودا ٨٢٠ ملیۆن دۆلار زیانی بە خەزێنەی ئەو وڵاتە گەیاندووە.
