سازمانی خه‌باتی کوردستانی ئێران
ڕۆژی چوارشەممە ٢٦ی بانەمەڕ ١٤٠٣، لە کۆبوونەوەیەکدا لەگەڵ لیژنەی هەواڵگری ئەنجومەنی پیران، ئیڤریل هەینز، بەڕێوەبەری هەواڵگری نیشتمانی ڕایگەیاند کە رژیمی ئێران، ڕوسیە و چین گەورەترین هەڕەشەن بۆ سەر هەڵبژاردنەکانی ئەمریکا. ناوبراو ئاماژەی بەوەشکرد، جگە لەو وڵاتانە، ئەمریکا ڕووبەڕووی هەڕەشەی زیاتر بووەتەوە لەلایەن گروپەکانی دیکەوە.
جین ئیستەرلی، بەڕێوەبەری ئاژانسی ئاسایشی ئەلیکترۆنی و ژێرخانی ئەمریکا دەڵێت: "گەورەترین مەترسی لەسەر هەڵبژاردنی ئەمساڵ مەترسییە بۆ سەر کرێکارانی هەڵبژاردن کە لە زانیاری هەڵە سەبارەت بە هەڵبژاردنەکانی ساڵی ٢٠٢٠ەوە سەرچاوە دەگرێت".
هاینز و ئیستەرلی هەردووکیان پێداگریان لەوە کردەوە کە توانای حکومەتی فیدراڵی بۆ پاراستنی پرۆسەی هەڵبژاردن لەم ساڵانەی دواییدا بە شێوەیەکی بەرچاو گەشەی کردووە. ئیستەرلی وتی: ئەم بانگەشەیە ناڕاستانە بناغەکانی دیموکراسی ئێمەی تێکداوە و بووەتە هۆی هەراسانکردن و هەڕەشەی توندوتیژی بەرامبەر بە بەرپرسانی هەڵبژاردن و خانەوادەکانیان.
