سازمانی خه‌باتی کوردستانی ئێران
بەپێی ڕاپۆرتی سەرچاوە هەواڵیەکان، عوسمان ئیسماعیلی چالاکی کرێکاریی تەمەن ٦٤ ساڵ و خەڵکی سەقز، کە لەم دواییەدا بە دانانی بارمتەی یەک میلیارد تمەنی لە بەندیخانەی سەقزەوە مەرەخەسیی دەرمانی پێدرابوو، ڕێکەوتی ١٠ی جۆزەدان ۱۴۰۳ نەشتەرگەریی بۆ کراوە و نزیکەکانی دۆخی تەندروستیی ناوبراویان بە مەترسیدار وەسف کردووە.
ئەو چالاکە کرێکارییە کە تووشی فتق و تەنگی هەناسە و نەخۆشی بووە، بە هۆی دژایەتیی هێزە ترۆریستەکانی ئیتلاعاتی ڕژیمەوە بۆ ماوەیەکی زۆر لە دەستپێڕاگەیشتن بە خزمەتگوزاریی پزیشکی بێبەش کرابوو.
ناوبراو ساڵی ڕابردوو لەلایەن دادگای بەناو ئینقلابی ڕژیمەوە لە شاری سەقز بە تۆمەتی ساختەی چالاکیی دژ بە ئەمنییەتی میللی لە ڕێگەی ئەندامەتی لە یەکێک لە حیزبە کوردسانییەکانی دژبەری ڕژیم بە ٣١ مانگ و ١٥ ڕۆژ بەندکران و هەروەها بە تۆمەتی ساختەی تەبلیغات دژی ڕژیم، و بە بیانوی بەشداریکردنی لە ڕێورەسمی بەخاکسپاردنی شەهید ژینا ئەمینی ٧ مانگ و ١٥ ڕۆژ بەندکران بەسەریدا سەپاوە.
