سازمانی خه‌باتی کوردستانی ئێران
ژمارەیەک لە پەنابەران، زیندانیان و چالاکانی سیاسی، چالاکانی مافی مرۆڤ و ژینگەپارێزی، بە ناردنی نامەیەک بۆ کۆنفرانسی "پشتیوانیکردن لە زیندانییانی سیاسی"، کە لە ١٦ی ژوئن لە شاری تۆرێنتۆ بەڕێوەدەچێت، پێداگریان لەسەر پێویستیی پشتیوانیکردنی لە زیندانییانی سیاسی کردەوە و ئەوانیان بە هێڵی پێشەوەی خەبات لە دژی رژیم ئێران ناو برد.
لەم نامەیەدا وێڕای ئاماژەدان بە پێویستیی دروستکردنی "تۆڕێکی پشتیوانیی فراوان" بۆ پاڵپشتیکردنی زیندانییانی سیاسی، لە ئەگەری بەدەستهێنانی دەسەڵاتی "ڕاستی توندڕەو" لە وڵاتانی ئەوروپا و لە ئەنجامدا فشاری زیاتر لەسەر پەنابەران و زیندانیانی سیاسی پێشوو لەم وڵاتانەدا، هۆشداری دەدرێت.
لە بەشی کۆتایی ئەم نامەیەدا داوا دەکرێت گروپێکی کاری کە پێکهاتبێت لە پارێزەران و ئەندامانی پەرلەمانی کەنەدا و چالاکانی سیاسی و مافی مرۆڤ بەمەبەستی هاوکاریکردن و پشتیوانیکردنی پەنابەران و زیندانیانی سیاسی پێكبهنرێت.
