سازمانی خه‌باتی کوردستانی ئێران
بنیامین ناتانیاهۆ، سەرۆکوەزیرانی ئیسرائیل ئەمڕۆ یەکشەممە ٢٧ی جۆزەردان ١٤٠٣، جێگری سەربازیی خۆی ئاگادارکردەوە کە جێبەجێکردنی "ئاگربەستی مرۆڤ دۆستانە" لە ڕەفەح جێگەی قبوڵکردن نییە.
لەلایەکی دیکەوە، ئیتمار بن گوێر، وەزیری ئاسایشی نیشتمانی ئیسرائیل دوای ڕاگەیاندنی ئاگربەستی کاتی لە باشووری غەززە ڕایگەیاند، "پێشنیارێک بۆ ئاگربەست لە ڕەفعەت نەخراوەتە بەردەم ئەنجوومەنی وەزیران" و دەشڵێت: "هەر کەسێک بڕیاری جێبەجێکردنی ئاگربەست لە ڕەفەحی داوە نابێت لە شوێنی خۆیدا بمێنێتەوە.
دوابەدوای بڵاوبوونەوەی هەواڵی "راگرتنی تاکتیکی" شەڕ لە شاری ڕەفەح کە دەکەوێتە باشووری کەرتی غەززە، سپای ئیسرائیل بەردەوامی شەڕەکەی ڕاگەیاند.
هەر لەو پێوەندییەدا ڕادیۆی سپای ئیسرائیل ڕایگەیاند کە وەزیری بەرگری ئاگاداری نیازی ڕاگرتنی تاکتیکی لە شەڕی ڕەفەح نەبووە.
