سازمانی خه‌باتی کوردستانی ئێران
بە پێی سەرچاوەکانی هەواڵ، بەرەبەیانی ئەمڕۆ چوارشەممە ١٧ی گەلاوێژ ١٤٠٣، حوکمی دڕندانە و نامرۆڤانەی لەسێدارەدانی لانیکەم ٢٢ زیندانیی لە زیندانی قەزڵحەسەر لە شاری کەرەج جێبەجێ کرا.
لانیکەم پێنج لەو زیندانیانە بە تۆمەتی پەیوەندیدار بە ماددەی هۆشبەر و چوار کەسیش بە تۆمەتی کوشتنی بە ئەنقەست گیرابوون و لەلایەن سیستەمی دادوەریی گەندەڵی ڕژیمی ئێرانەوە حوکمی ئێعدامیان بەسەردا سەپێندرا.
لەم ڕاپۆرتانەدا ئاماژە بەوە کراوە کە تا ئێستا ناوی ٧ زیندانی رانەگەیندراوەو ڕاپۆرتێکی تەواوکەریش بڵاو دەکرێتەوە.
بە پێی ڕاپۆرتی چالاکوانان و بەرگریکارانی مافی مرۆڤ، لە ڕۆژی شەممە ١٣ی گەلاوێژ تا ڕۆژی چوارشەممە ١٧ی گەلاوێژ، لانیکەم ٣٠ زیندانی لە زیندانەکانی ئێران لە سێدارە دراون.
