سازمانی خه‌باتی کوردستانی ئێران
بەگوێرەی لێدوانی بەرپرسێکی ئامریکایی، وەزارەتی دادی ویلایەتە یەکگرتووەکانی ئەمریکا تۆمەتی لەسەر هاووڵاتییەکی پاکستانی تۆمارکردووە کە دەوترێت دەستی هەبووە لە هەوڵە شکستخواردووەکەی ڕژیمی ئێران بۆ سەر گیانی سەرۆکی پێشوی ئەمریکا، دۆناڵد ترامپ.
لە ڕاپۆرتی کەناڵی هەواڵی ئەمریکی "سی ئێن ئێن"دا، ڕۆژی سێشەممە ١٦ی ئابی ١٤٠٣ بە گێڕانەوەی لێدوانەکانی ئەم بەرپرسە ئەمریکییە، باس لەوە کراوە کە لێکۆڵەرانی بەشی لێکۆڵینەوەی فیدراڵی "FBI" پێیان وایە ئەم پیلانە ترۆرکردنە کە بۆ بە ئامانجکردن ترامپ و بەرپرسانی دیکەی ئێستا و پێشووی حکومەتی ئەمریکا پلانیان بۆ دانراوە بووە.
بەپێی ئەو گەڵاڵەی کە لەلایەن داواکاری گشتی فیدراڵی لە شاری بروکلینی ویلایەتی نیویۆرک تۆمارکراون، ئاسیف میرشانت (٤٦ ساڵ) تۆمەتبارە بە گەشتکردن بۆ شاری نیویۆرک و هاوکاریکردن لەگەڵ بکوژە بەکرێگیراوەکە وەک ئامادەکارییەک بۆ ئۆپەراسیۆنی ترۆرکردن لە کۆتایی مانگی ئوت یان سەرەتای مانگی سیبتامبر.
