سازمانی خه‌باتی کوردستانی ئێران
بەرەبەیانی ڕۆژی سێشەممه ۲۳ی گەلاوێژ ۱۴۰۳، هەشت چالاکی مەدەنی و ژینگەپارێز بەناوەکانی: ماریا خانی، جەهانگیر ئازادی، لوتفوڵڵا پەرویز، حەمیدڕەزا ڕەحیمیان، سەلمان پەرهان، محەممەد پەروین، عەلی فەرەجخانی و مستەفا ڕوستەمی، لەلایەن هێزە سەرکوتکەرەکەنی ئیتلاعاتی سپای ترۆریستی ڕژیم لە کرماشان، بەبێ هیچ بەڵگەیەکی دادوەری گیراون و بۆ شوێنێکی نادیار ڕاگوێزراون.
ئەم کەسانە لەهاوکارانی کەمپەینی کۆکردنەوەی واژۆ لەژێر ناوی کەمپینی ڕزگارکردنی زاگرۆس بوون و بەشداری چالاکانەیان لە کنتڕۆڵی ئاگرەکانی ئەم ماوەیەی لەوڕگەکانی ناوچەکە بووە.
هێشتا زانیاریەکی ورد لە هۆی گرتن، تۆمەتی وەپاڵنراو، چارەنوس و شوێنی ڕاگیرانی ئەم کەسانە لەبەردەست دا نیەو بەدواداچوونی خانەوادەکانیان هیچ ئاکامێکی نەبووه.
