سازمانی خه‌باتی کوردستانی ئێران
بە بۆنەی کۆچی دوایی مام ئیبراهیم باوکی شەهیدی فەرماندە کاک تۆفیق بڵەسەنی، رێزدار کاک بابەشێخی حوسێنی بروسکەیەکی سەرەخۆشی بڵاوکردەوە.
بە بۆنەی کۆچی دوایی مام ئیبراهیم باوکی شەهیدی فەرماندە کاک تۆفیق بڵەسەنی، رێزدار کاک بابەشێخی حوسێنی بروسکەیەکی سەرەخۆشی بڵاوکردەوە.
بەرێز کاک بابەشێخی حوسەینی سکرتێری گشتی سازمانی خەبات لە بروسکەیەکدا کە لە لاپەرەی فەیسبوک بڵاوی کردوەتەوە، روو بە خانەوادەو خزمان و دۆستانی خانەوادەی مام ئیبراهیم کەریم پوور نووسیویەتی: بە بۆنەی کۆچی مام ئیبراهیم باوکی شەهیدی فەرماندە کاک تۆفیق کەریمپور، سەرەخۆشی بە ئەندامانی خانەوادەو خزمان و دۆستانی خانەوادەی شەهیدی فەرماندە،کاک تۆفیق کەریمپور و مام ئیبراهیم و هاوباوەڕانم لە سازمانی خەبات ی کوردستانی ئێران پێشکەش دەکەم و هاوبەشی غەم و پەژارەیانم.
لە خوای گەورە دواکارم دوا مەنزڵی مام ئیبراهیم بەهەشتی بەرین بێ.
شایانی باسە شەهید تۆفیق بڵەسەنی یەک لە فەرماندە دیار و قارەمانەکانی سازمانی خەباتی کوردستانی ئێران و بزوتنەوەی شۆرشگێڕانەی کوردستان بوو کە هەر لە هەڕەتی لاوەتیەوە هاتە ریزەکانی سازمان و لە ماوەی نزیک بە ٢٥ ساڵ پێشمەرگایەتی خۆیدا پلەکانی تەشکیلاتی بە رەنج و ماندووبوونی خۆی هەتا ئەندامی کۆمیتەی ناوەندی بریوەو لەو ماوەدا مێژوویەکی پرسەروەری و شانازی تۆمارکردووە و چەندین جار بە سەختی بریندار بووە، کە باوەر بە سازمانی خەبات و رزگاری نەتەوەکەی بە رێژیەک بوو لە دوای هەر کۆسپ و برینداریەک بە گوڕتر لە پێشوو، مەتەرێزی خەباتی دەگرت هەتا لە ساڵی ١٣٨٢ی هەتاوی و لە کاتی راپەڕاندنی ئەرکی سازمانی بە پلەی بەرزی شەهادەت گەیشت و رێبازەکەی بە ئەمانەت پێشکەش بە هاوسەنگەرانی کرد.
