سازمانی خه‌باتی کوردستانی ئێران
دەوڵەتی کانادا ڕایگەیاند لە وڵامی بەردەوامبوونی کردەوە توندەکانی رژیمی ئێران لە پێشێلکردنی مافەکانی مرۆڤ، سنووردارکردنی هاتن و مانەوەی بەرپرسانی ئەو رژیمە لەم وڵاتەدا زیاتر دەکرێت.
ئەم یاسا ڕۆژی یەکشەممە ٢٥ی خەرمانان لە ماڵپەڕی دەزگای خزمەتگوزاریی سنووری و ئەمنییەتی گشتیی کانادا بڵاو کرایەوە.
بەپێی ئەم یاسایە، هەموو ئەو کەسانەی لە ٢ی پووشپەڕی ساڵی ١٣٨٢ی هەتاویەوە لە ڕێژیمی ئێراندا خزمەتیان کردووە، بە مەبەستی چوون بۆ کانادا یان درێژەدان بە مانەوە لەم وڵاتە، ڕەتکردنەوەی ڤیزا یان ڕاگواستنیان بۆ لەبەر دەگیردرێت.
٢ی پووشپەڕ ساڵی ١٣٨٢ی هەتاوی، ڕۆژی دەسبەسەرکردنی زەهرا (زیبا) کازمی، ڕۆژنامەنووسێکی ئێرانی-کاناداییە کە لە تاران دەسبەسەر و لە کاتی لێپرسینەوەدا کوژرا.
کانادا بە یاسای کۆچبەران و پاراستنی پەنابەران ئەم سنووردارکردنەی ڕاگەیاند و وتی: 'کانادا نابێتە پەناگەیەکی ئەمن بۆ ئەندامانی باڵای ڕێژێمێک کە خەریکی تێرۆر و پێشێلکاریی سیستماتیک و گەورەی مافەکانی مرۆڤە.'
