سازمانی خه‌باتی کوردستانی ئێران
مستەفا نێعمەتی، ڕۆژنامەنووس و ئابووریناسی کورد و خەڵکی ئاودانان سەر بە پارێزگای ئیلام لە لایەن دەزگای دادوەریی رژیمی ئێرانەوە سزای ٥ ساڵ و ٤ مانگی بەندکرانی بەسەردا سەپێندرا.
بە پێی ڕاپۆرتی هەواڵدەرییەکان، لەم دوایانەدا مستەفا نێعمەتی، تەمەن ٤٨ ساڵ لە لایەن دادگای تاوانەکانی تاران بە تۆمەتی پڕوپاگەندە دژی حکومەت بە ٨ مانگ بەندکران، بێڕێزی بە پیرۆزییەکان بە ٤٠ مانگ بەندکران و هەروەها بە تۆمەتی بڵاوکردنەوەی ناڕاستییەکان بە ١٦ مانگ بەندکران و ١٥ ملیۆن پێبژاردنی پارە و بە گشتی بە ٦٤ مانگ سزای بەندکران مەحکووم کراوە.
بە وتەی سەرچاوەیەکی ئاگادار، لە ڕۆژانی ڕابردوودا مستەفا نێعمەتی بە مەبەستی جێبەجێکرانی سزای بەندکرانەکەی لە لایەن لقی ١ی بەڕێوەبردنی سزاکانی دادگای گشتی و شۆڕشی تاران بۆ بەندیخانەی ئێڤین بانگکراوە
