سازمانی خه‌باتی کوردستانی ئێران
ڕۆژنامەی واڵ ستریت ژورناڵ ئاشکرای کردووە کە لە یەکێک لە نامە دۆزراوەکانی حەماسدا، ڕژیمی ئێران دەڵێت بڕی ١٠ ملیۆن دۆلاری بۆ باڵی چەکداری حەماس تەرخان کردووە. دوای چەند هەفتەیەک سنوار داوای 500 ملیۆن دۆلار لە ڕژیمی ئێران دەکات، کە ئەو بڕە پارەیە مانگانە بۆ ماوەی نزیکەی دوو ساڵ بە بڕی 20 ملیۆن دۆلار دابەش دەکرێت.
لە ڕاپۆرتێکیتردا ڕۆژنامەی نیویۆرک تایمز ڕۆژی شەممە ٢١ی ڕەزبەر لە ڕاپۆرتێکدا ڕایگەیاند کە گرووپی حەماس پێشوەختە رژیمی ئێرانی لە گەڵاڵەی خۆی بۆ هێرشکردنە سەر ئیسرائیل ئاگادار کردۆتەوە. ئەمە لە حاڵێکدایە کە پێشتر بەرپرسانی حکوومەتی ئێران ڕایانگەیاندبوو کە ئاگاداری بڕیارەکەی حەماس بۆ هێرشکردنە سەر ئیسرائیل نین.
