سازمانی خهباتی کوردستانی ئێران
ڕۆژنامەی واڵ ستریت ژۆرناڵ لە ڕاپۆرتێکدا بە پشت بەپێی سەرچاوە ئیسرائیلی و ئەمریکییەکان ڕایگەیاندووە کە ئیسرائیل بەرەبەیانی ڕۆژی شەممە بە بەکارهێنانی زیاتر لە ١٠٠ فڕۆکە هێرشی کردووەتە سەر ٢٣ ئامانجی هەستیار لە ئێران.
سەرچاوە ئیسرائیلییەکان ڕایانگەیاندووە کە لەم هێرشەدا سەرجەم سیستمە مووشەکییەکانی ئێس ٣٠٠ی ئێران بە پێشکەوتووترین سیستەمی دیفاعی ئاسمانیی تاران لەناوچوون.
هاوکات بەرپرسانی ئەمریکی ئاماژەیان بەوە کردووە کە ئەم هێرشانە زیانی گەورەیان بە دامەزراوە موشەکی بالیستیکییەکانی ئێران گەیاندووە، کە ڕەنگە ساڵانێکی زۆری پێبچێت بۆ نۆژەنکردنەوە.
لە بەرامبەر ئەم ڕاپۆرتەدا، ئەرکانی گشتیی هێزە چەکدارەکانیڕژیمی ئێران بانگەشەی ئەوەی کرد کە فڕۆکە شەڕکەرەکانی ئیسرائیل ئاسمانی عێراقیان بەزاندووە و هێرشیان کردووەتە سەر بەشێک لە ڕادارە سنوورییەکان لە پارێزگاکانی ئیلام و خوزستان و دەوروبەری تاران، بەڵام ئەم هێرشانە زیانێکی سنوورداریان گەیاندووە!
