سازمانی خه‌باتی کوردستانی ئێران
مورتەزا سەیدی، چالاکی کرێکاری خەڵکی شاری کامیاران، به مەبەستی تێپەڕاندنی سزای بەندکرانەکەی بۆ لەقی ٣ی جێبەجێکرانی سزاکانی شاری قودس بانگهێشت کرا.
بەپێی ئەو ئاگادارییەی که چوارشەممە به ناوبراو گەیشتووە، دەبێت لە پێنج ڕۆژی داهاتوودا خۆی به بەندیخانە بناسێنێت.
ئەم چالاکە کرێکارییە لەلایەن لەقی ٢ی بێدادگای شۆڕشی شاری شەهریار بە سەرۆکایەتیی دادوەر بەهرام پەناهی بە تۆمەتی "پێکهێنانی گرووپ بە مەبەستی تێکدانی ئاسایشی وڵات" بە دوو ساڵ بەندکران مەحکووم کرا.ناوبراو لە ٢٦ی خاکەلێوەی ١٤٠١، لەگەڵ چەند چالاکی کرێکاری دیکه لەلایەن بەکرێگیراوانی ئیدارەی تێروریستی ئیتلاعاتەوه گیرا و لە ١٩ی بانەمەڕی ١٤٠١، بە دانانی بارمتە بە شێوەی کاتی لە بەندیخانەی ئێڤین ئازاد کرا.
