سازمانی خه‌باتی کوردستانی ئێران
پیاوێکی تەمەن بیست ساڵان لە ئۆسلۆ، کە پاسەوانی ئاسایش بووە لە باڵیۆزخانەی ئەمریکا، لە لایەن پۆلیسی ئاسایشی نۆروێژەوە بەند کراوە بە تۆمەتی جاسوسی قورس. دادگا بڕیاری داوە هەفتەیەک لە گۆشەگیری تەواودا بمێنێتەوە. تۆمەتبارەکە دانی بەوەدا ناوە کە زانیاری لەگەڵ دەزگای هەواڵگری ڕووسیە و دەسەڵاتدارانی ڕژیمی ئێران ئاڵوگۆڕ کردووە، بەڵام نکۆڵی لەوە دەکات کە جاسوسی قورس بووبێت. پارێزەرەکەی دەڵێت کە پیاوەکە پلەی ئاسایشی نەبووە و دەستی بە زانیاری نهێنی ڕانەگەیشتووە. توماس بلۆم پارێزەری پۆلیسی ئاسایشی نۆروێژ PST ڕایگەیاندووە کە بەڵگەی دیجیتاڵی زۆرمان دەستکەوتووەو لێکۆڵینەوە لە بەڵگە دیجیتاڵییەکان بەردەوامە.
