سازمانی خه‌باتی کوردستانی ئێران
سپای ئەمەریکا ڕایگەیاند هێرشێکی ئاسمانیان کردۆتە سەر کۆگایەکی مووشەک و دامەزراوەیەکی فەرماندەیی و کۆنترۆڵ کە لەلایەن گرووپی حووسییەکانی سەر بە رژیمی ئێران لە سەنعا بەڕێوە دەبرێت.
هەر بە گوێرەی ڕاگەیەندراوی فەرماندەیی ناوەندیی ئەمەریکا، "سێنتکۆم"، چەند فڕۆکەی بێفڕۆکەوانی حووسییەکان لە ئاسمانی دەریای سووردا خستووەتە خوارەوە.
هەروەها سەرچاوەكان باسیان لەوە کردووە، بۆمبارانەکە بۆ سەر پێگە سەربازیی کۆنترۆڵکراوی حووسییەکان لە دامێنی چیای نوقوم لە ڕۆژهەڵاتی شارەکە و چەند شوێنێکی دیکە بووە. جگە لەوانەش
بۆمبارانەکە ناوچەکانی عەتان و نوقوم لە ناوەڕاستی شاری سەنعای گرتووەتەوە. هەروەها بۆمبارانەکە ماڵێکی لە ناوەندی شاری سەنعا گرتووەتەوە کە حووسییەکان وەک ناوەندی فەرماندەیی بەکاریان دەهێنا.
سازمانی خەبات ی كوردستانی ئێران
شەممە 21 دیسامبری 2024
