سازمانی خه‌باتی کوردستانی ئێران
ئەمریکا ڕایگەیاند ئیسرائیل ناچار نەکەن کۆتایی بە شەڕی غەززە بهێنێت
ڕۆژنامەی تایمز ئیسرائیل بە پشتبەستن بە دوو بەرپرسی عەرەبی بڵاویکردەوە، لە سەرەتای دەستپێکردنەوەی دانوستانەکانی ئیسرائیل و حەماس لە دۆحە، ستیڤ ویتکۆف، نێردەی تایبەتی ئەمریکا بۆ ڕۆژهەڵاتی ناوەڕاست، نێوەندگرانی دیکەی ئاگادارکردووەتەوە کە واشنتۆن هیچ نیازێکی نییە ئیسرائیل ناچار بکات کۆتایی بە شەڕی غەززە بهێنێت.بەرپرسێکی عەرەبی بە ڕۆژنامەی تایمزی ئیسرائیلی ڕاگەیاند، ناتانیاهۆ تەنها ڕازی بووە بە ئاگربەستێکی کاتی بۆ ماوەی ٤٥ ڕۆژە کە بە ئازادکردنی نزیکەی ١٠ بارمتە دەست پێدەکات کە لەلایەن حەماسەوە دەست پێکراوە.ناتانیاهۆ بە ویتکۆف-ی ڕاگەیاندووە، لە کاتی ئاگربەستی کاتیدا ئیسرائیل ئامادەیە دانوستان بکات بۆ کۆتاییهێنان بە هەمیشەیی شەڕەکە، بەڵام پێشوەختە هیچ بەڵێنێک نادات بۆ بەدیهێنانی دەرئەنجامێکی لەو شێوەیە.
