سازمانی خه‌باتی کوردستانی ئێران
ئەمڕۆ سێشەمە ٢٠-٥-٢٠٢٥، عەلی خامنەیی، ڕێبەری ڕژێمی ئێران، لە سەروبەندی ساڵیادی مردنی ڕەئیسیدا و لەبارەی دانوستانەکانی وڵاتەکەی لەگەڵ ئەمریکا ڕایگەیاند: "دانوستانی ناڕاستەوخۆ لە سەردەمی ئیبراهیم ڕەئیسیدا بوونی هەبووە، ڕێک وەکوو ئێستا، بەڵام هیچ ئەنجامێکی لێ نەکەوتەوە، پێمان وانییە دانوستانەکانی ئێستاش ئەنجامێکی لێبکەوێتەوە".
خامنەیی دەشڵێت: "بەو پێیەی باسی دانوستان دەکەین، حەز دەکەم هۆشدارییەک بدەم بە لایەنی بەرامبەر، لایەنی ئەمریکی کە بەشداری ئەم دانوستانە ناڕاستەوخۆیانە دەکات و قسە دەکات، پێویستە خۆیان لە لێدوانی پووچ و بێمانا بەدوور بگرن".
ئاماژەی بەوەشکرد: "ئەگەر بڵێین ڕێگە نادەین بە ئێران یۆرانیۆم بپیتێنێت، ئەوە دەستدرێژییەكی قبوڵنەکراوە، هیچکەس چاوەڕێی مۆڵەت لەم لایەنە و ئەو لایەنە ناکات، کۆماری ئیسلامی سیاسەتی تایبەتی خۆی هەیە، شێوازی خۆی هەیەو بەردەوام دەبێت لە جێبەجێکردنی".
