سازمانی خه‌باتی کوردستانی ئێران
دوابەدوای بانگەوازی یەکێتیی شۆفێرانی بارهەڵگر و شۆفێران لە سەرانسەری ئێران، ژمارەیەک لە شۆفێرانی بارهەڵگر و شۆفێرانی ئۆتۆمبێلی قورس لە شارە جۆربەجۆرەکانی سەرتاسەری وڵات بۆ دووەم ڕۆژی کارکردنیان وەستاند و مانیان گرت.بەپیی وینەکان، نیشان دەدەن کە زۆرێک لە شۆفێرانی بارهەڵگر لە ئێران ڕۆژی هەینی، ٢ی جۆزەردانی ١٤٠٤، لە شارەکانی وەک ئەسەدەباد، هەمەدان، ئیسلام ئاباد غەرب، ئیسفەهان، بافت، کرمان، بەندەر عەباس، دیواندەرە، فاسا، و کازەرون مانیان گرتووە. ڕۆژی پێنجشەممە، یەکەم ڕۆژی مانگرتنەکان، شۆفێرانی بارهەڵگر و شۆفێرانی شارەکانی ئەراک، ئیلام، بەندەر عەباس، تەورێز، سیرجان، شیراز و کرماشان کارەکانیان وەستاند.پێشتر یەکێتیی ڕێکخراوەکانی بارهەڵگر و شۆفێرانی سەرتاسەری ئێران لە بەیاننامەیەکدا ڕایگەیاند: ئێمە مانمان گرت، چونکە داوای مافی خۆمان دەکەین، پێکەوە وەستاین، چونکە یەکڕیزیمان تاکە شتێکە کە ئەم چەرخە لە بەرژەوەندی ئێمەدا دەسوڕێنێتەوە، ئەمڕۆ لە دڵی لوڕستانەوە تا خاکی خوزستان، لە بەندەرەکانی باشوورەوە تا ڕێگاکانی باکوور، بارهەڵگرەکان بێدەنگن، بەڵام دەنگی شۆفێران دەنگ دەداتەوە دەنگێکی بەرزتر لە جاران”.
