سازمانی خه‌باتی کوردستانی ئێران
ڕۆژنامەی جاوانی سەر بە سپای ترورستی پاسدارانی ئێران ڕۆژی هەینی سەبارەت بە خولی پێنجەمی دانوستانەکانی نێوان حکومتی ئێران و ئەمریکا نووسی: دانوستانە ئەتۆمییەکانی حکومتی ئێران و ئەمریکا بە پێچەوانەی خولەکانی پێشوو خاو بووەتەوە و چیتر ناتوانین باسی گەشبینی بکەین سەبارەت بە ئەنجامەکەیان، وەک چوار خولی پێشوو.ڕۆژنامەکە بە ئاماژەدان بە ڕۆیشتنی پێشوەختەی نوێنەری ئەمریکا لە دانوستانەکان، زیادی کرد: بە ڕواڵەت گفتوگۆ ناڕاستەوخۆکانی نێوان حکومتی ئێران و ئەمریکا بۆ خولی شەشەم بەردەوام دەبێت، بەڵام پێدەچێت گەشبینی پێشوو نەماوە.لە خولی پێنجەمی دانوستانەکان لە ڕۆما، ستیڤن ویتتاکەر زووتر لە عەباس عەراقچی دانوستانەکانی بەجێهێشت و دواتر عەراقچی لەگەڵ وەزیری دەرەوەی عومان گفتوگۆی کرد.ناکۆکی نێوان دوو وڵات لەسەر پرسی پیتاندن لە ئێران لە کاتێکدایە کە ئەمریکا دەڵێت دەبێت ئەم پرۆسەیە لە ئێران بوەستێنرێت، بەڵام کاربەدەستانی ڕژیمی ئاخوندی بە هێڵی سووری خۆیان ناوی دەبەن.
