سازمانی خه‌باتی کوردستانی ئێران
سەرچاوەیەکی ئەمنی لە بەغدا ڕایگەیاند کە ئەلیزابێس تسورکۆڤ توێژەری ئیسرائیلی – ڕووسی لە بەرامبەر ئازادکردنی “چەند زیندانییەکی سەربە ڕژیمی ئاخوندی ئێران” ئازاد دەکرێت. سەرچاوەیەکی نزیک لە گروپە شیعەکانی عێراق بە ڕادیۆی نیشتمانی ئیسرائیلی ڕاگەیاند، گروپی کەتائیب حزبوڵڵا، تا ئێستا ڕێککەوتنی کۆتایی خۆی لەسەر ئەو بابەتە ڕانەگەیاندووە.
ئەو زانیارییانەی ئەمڕۆ شەممە لە وەزارەتی ناوخۆی عێراقەوە بە سەرچاوەکان گەیشتووە، ئاماژەیان بە ئەگەری ئازادکردنی چەند زیندانییەک کردووە کە بە دۆسیەی “ئەمنی و ڕفاندن و کوشتن” سزا دراون و لە ئێستادا لە زیندانەکانی عێراقدان. دەوترێت ئەم کەسانە، لەنێویاندا ئەندامێکی سپای قودسی سپای ترورستی پاسداران، لە بەرامبەر ئازادکردنی تسورکۆڤ ئازاد دەکرێن. لە هەمان کاتدا بەرپرسێکی ئیسرائیلی بۆ ماڵپەڕی هەواڵی وای نیت ڕایگەیاندوە کە هەوڵەکان بەردەوامن بۆ ئازادکردنی تسورکۆڤ کە نزیکەی دوو ساڵ لەمەوبەر لە بەغدا ڕفێندرابوو.
