سازمانی خه‌باتی کوردستانی ئێران
دۆناڵد ترامپ دەڵێت چیتر متمانەی بە سەرۆکی ڕوسیا نەماوە
دۆنالد ترەمپ لە تۆڕی کۆمەڵایەتی "تروس سۆشیال" بڵاوی کردووەتەوە "هەمیشە پەیوەندییەکی زۆر باشم لەگەڵ ڤلادیمێر پوتن، سەرۆکی ڕوسیە هەبووە، بەڵام دیارە تووشی شتێک بوەو چیتر متمانەی لای من نەماوە. ترامپ پوتینی بە شێت ناوبرد و "ئاماژەی بەوەش کردووە، هەمیشە وتوومە پوتین, هەموو ئۆکراینی دەوێت، نەک تەنیا بەشێکی و ڕەنگە ئەوە ڕاست دەربچێت، بەڵام ئەگەر بیکات، ئەوە دەبێتە هۆی ڕووخانی ڕوسیە. ترەمپ بە توندی سەرزەنشتی هاوتا ڕوسیەکەی کرد و ناڕەزایی خۆی دەربڕی، دوای ئەوەی ڕوسیە بە فڕۆکەی بێفڕۆکەوان هێرشی کردە سەر ئۆکراین و بووە هۆی کوژرانی 13 ئۆکرانی.
هەرچەندە ترەمپ هەمیشە سەرسامی خۆی بۆ پوتن دەربڕیوە، بەڵام لە چەند حەوتویی ڕابردوودا بێزاری زیاتری نیشان داوە لە هەڵوێستی مۆسکۆ و چەقبەستوویی لە دانوستانەکانی ئاگربەست لەگەڵ کیێڤ.هێرشەکانی ڕوسیە بۆ سەر ئۆکراین لە کاتێکدا بوو کە هەردوو وڵات لەوەتەی شەڕیان دەست پێی کردووە گەورەترین ئاڵوگۆڕی دیلەکانیان کرد.
