سازمانی خه‌باتی کوردستانی ئێران
عەلی شامحەممەدی، ئەندامی کۆمیسیۆنی کارەبا لە سەندیکای کۆمپانیاکانی بەرهەمهێنانی کارەبا ڕایگەیاند، ئەگەر دۆخی بەرهەم هێنانی کارەبا هەر بەم شێوەیە بێ، تەنیا بۆ ماوەی چوار ساڵی دیکە ئێران کارەبای دەبێ. ناوبراو ئاماژەی بەوەشکرد: "نابێت هەمیشە بارگرانی لەسەر بەرهەمهێنان بێت؛ بەدڵنیاییەوە پێویستە ڕێوشوێن بگیرێتەبەر و پاشەکەوت بکرێت بۆ ئەوەی گەشەکردن بە شێوەیەکی گونجاو ڕووبدات. "شامحەممەدی وتشی: لە ماوەی پێنج ساڵی ڕابردوودا پێویستی بە بەکارهێنانی کارەبا نزیکەی لەسەدا پێنج و نیو گەشەی کردووە، بەڵام تا ساڵی 1403 توانای وێستگەی کارەبا تەنها لەسەدا 2.2 گەشەی کردووە، ئەمەش ئاماژەیە بۆ قووڵایی کارەساتەکە. بەرپرسانی وزە پێشتر بەڵێنیان دابوو کە پچڕانی کارەبا دوو سعات دەخایەنێت، بەڵام ڕاپۆرتەکان ئاماژە بەوە دەکەن کە پچڕانی کارەبای درێژخایەن بەردەوام دەبێت.
