سازمانی خه‌باتی کوردستانی ئێران
غوڵامڕەزا قاسمیان، کە بە یاریدەدەرێکی نزیکی دەفتری ئاخوند خامنەی ناودەبرێت، ڕۆژی دووشەممە لەلایەن پۆلیسی عەرەبستان گیراوە. ناوبراو لە ساڵانی پێشوودا دەستی هەبووە لە هێرشەکانی سەر باڵیۆزخانەی بەریتانیا و عەرەبستان. قاسمیان پێشتریش بە بڵاوکردنەوەی گرتەیەکی ڤیدیۆیی لە سۆشیال میدیا کە کاریگەریی بەرفراوانی لەسەر فەزای مەجازی بووەو تۆمەتی لە حکومەتی عەرەبستان دابوو. پێشتر وتاردەری گردبوونەوەیەکی خوێندکاران بووە کە بووە هۆی ئەوەی لە 8/3/1390 کۆمەڵێک بەسیجی هێرش بکەنە سەر باڵیۆزخانەی بەریتانیا لە تاران، هەروەها سەرۆکی نوینەریان ڕژیمی ئاخوندی بوو کە بەشێک لە ئامادەبووان لە 12و 13ی 10/1394 هێرشیان کردە سەر باڵیۆزخانەی سعودیە لە تاران و ئاگریان تێبەردا. ناوبراو لە ساڵی 1399 لەلایەن محەمەد باقر قالیبافەوە وەک سەرۆکی کتێبخانە و مۆزەخانە و ناوەندی بەڵگەنامەی مجلسی ڕژیمی ئاخوندی دەستنیشانکرا و بۆ ماوەی چەند مانگێک ئەو پۆستەی بەدەستەوە بوو. پێشتر عەلیرەزا بەیات، سەرۆکی ڕێکخراوی حەج و زیارەت، هۆشداریی داوەتە حاجیان کە خۆیان لە بڵاوکردنەوەی ناوەرۆکی سیاسی یان وروژاندنی بابەتی هەستیاری ئایینی لە سۆشیال میدیا بەدوور بگرن کە ڕەنگە هەستیار بن بۆ وڵاتی میواندار.
