سازمانی خه‌باتی کوردستانی ئێران
بەپێی ڕاپۆرتی بلومبێرگ، کەشتییە نەوتهەڵگرەکانی حکومتی ئێران کە لە خاڵێکی سەرەکی زنجیرەی دابینکردنی نەوتی ئێران بۆ چین کاردەکەن، زیاتر سیستەمی بەدواداچوونی دیجیتاڵی خۆیان دەکوژێننەوە بۆ ئەوەی نەوتەکە بەردەوام بێت، ئەمەش لەکاتێکدایە کە مەترسی سزاکانی ئەمریکای لەسەرە.بەپێی ڕاپۆرتەکە، لەماوەی چەند مانگی ڕابردوودا، کەشتییە نەوتهەڵگرەکانی ئێرانی زیاتر لەکاتی نزیکبوونەوەیان لە ئاوەکانی کەناراوەکانی ڕۆژهەڵاتی مالیزیا، ترانسپۆندەرەکانیان کوژاندەوە، کە ناوچەیەکی سەرەکییە بۆ گواستنەوەی نەوتی ئێران بۆ چین لە کەشتی بە کەشتی.لە ڕاپۆرتەکەدا ئاماژەی بەوەشکردووە، لە مانگی پۆشبەڕدا لانیکەم شەش گواستنەوەی نەوتی ئێران لە کەشتییەکەوە بۆ کەشتییەکی دیکە لە نزیک مالیزیا هەبووە کە تێیدا کەشتییەکان ترانسپۆندەرەکانیان کوژاندەوە.
