سازمانی خه‌باتی کوردستانی ئێران
تەنها لەسەدا یەک لە خوێندکارانی کۆچەر دەگەڕێنەوە بۆ ئێران
بەهرام سەڵاواتی توێژەر و بەڕێوەبەری پێشووی ڕوانگەی کۆچبەری ئێران هۆشداریی دا کە بۆ یەکەمجار لە مێژووی وڵاتدا ژمارەی خوێندکارانی ئێرانی لە دەرەوەی وڵات 100 هەزار کەسی تێپەڕاندووە و تەنیا لەسەدا یەکیان دەگەڕێنەوە ئێران.سەلاواتی بە ئاژانسی هەڵبژاردنی سەربەڕژیمی ئاخوندی ڕاگەیاندووە، لە ساڵی 2006ەوە، دوای ساڵێک لە هاتنە سەرکاری یەکەمین خولی دەوڵەتی مەحمود ئەحمەدی نژاد، ژمارەی خوێندکارانی ئێرانی لە دەرەوەی وڵات لە هەر 10 ساڵ جارێک دوو هێندە زیادی کردووە.ئاماژەی بەوەشکرد، لە ساڵی ٢٠٠٠ەوە ئەم دوو هێندەبوونە لەبری ١٠ ساڵ تەنها لە ماوەی چوار ساڵدا ڕوویداوە.بە وتەی ئەو توێژەرە، تا کۆتایی ساڵانی نەوەدەکان ژمارەی خوێندکارە کۆچەرەکان ٦٠ هەزار خوێندکار بووە، بەڵام ئەم ژمارەیە لە ساڵی ٢٠٠٥دا گەیشتبووە ١٢٠ هەزار کەس.بە پێی دەرەنجامەکانی ڕاپرسییەکی ئینستیتیوتی ستاسیس کە بنکەکەی لە واشنتۆنە و لە ساڵی ٢٠٠٣دا بڵاوکرایەوە، لە سەدا ٦٨ی گەنجانی ئێرانی پێیان باشە کۆچ بکەن و لە دەرەوەی ئێران بژین.ئەمەش بەهۆی بیکاری و کەمیی هەلی کار و نەبونی وەزارەتیکی پەروەردەیکی باشە.
