سازمانی خه‌باتی کوردستانی ئێران
سپای ئیسرائیل ڕایگەیاند کە هێزی ئاسمانی ئیسرائیل مەقەڕێکی ژێر زەوینی کە ئەندامانی سپای ترۆریستی پاسدارانی تێدا بووە، کردۆتە ئامانج و لە ئاکامدا، ئەمیر حاجی زادە، فەرماندەی هێزی ئاسمانی سپای پاسداران، لەگەڵ چەند کەس لە فەرماندەکانی سپای پاسداران بریتی لە تاهیرپوور، فەرماندەی یەکەی درۆنی سپاو داوود شێخان، فەرماندەی پەدافەندی هەوایی سپا کوژراون.
لەسەر ئەو بابەتە دوو سەرچاوەی ئێرانی بە ڕۆیتێرزیان ڕاگەیاندوە کە لانیکەم ۲۰ فەرماندەی پلەبانی سپا لە هێرشەکانی ئیسرائیلدا کوژراون.
لەسەر هێرشەکانی ئیسرائیل بۆ سەر ڕژیمی ئێران، حیزبوڵای لوبنان ڕایگەیاندووە کە هیچ وەڵامێکی بۆ ئیسرائیل نابێت.
