سازمانی خه‌باتی کوردستانی ئێران
بەپێی ڕاپۆرتی میدیاکان لە ناوخۆی وڵات، تەقینەوەیەکی گەورە لە ستادی گشتی هێزە چەکدارەکانی ڕژیمی ئێران لە شەقامی شەرێعەتی تاران ڕوویداوه. هەروەها ڕۆیتێرز و میدیاکانی ئیسرائیل ڕایانگەیاند کە هێرشی ورد کراوەته سەر بەیتی ڕێبەری ڕژیم و ماڵی پزشکیان، سەرۆک کۆماری ڕژیمی ئیران. هەروەها لە گۆڕەپانی مۆنیریە و گۆڕەپانی راه ئاهەنی تارانەوەو دەنگی تەقینەوە و ئاگرکەوتنەوەیەکی ترسناک لە ناوچەی سەتارخانی تاران کە یەکێکە لە ناوچە هەرە سەرەکییەکانی تاران بیستراوەو هەواڵی بۆردومانی باڵەخانەی وەزارەتی ناوخۆی ڕژیم لە شەقامی فاتمیەی تاران هەیە. هاوکات سپای ئیسرائیل ڕایگەیاند، سیستەمی بەرگری ئاسمانی ئیسرائیل وەڵامی شەپۆلی نوێی هێرشە مووشەکییەکانی ئێران بۆ سەر تەلئەبیب داوەتەوە. هەروەها زەنگی ئاگادارکردنەوە لە سەرتاسەری ئیسرائیل لە کەناری ڕۆژئاوا دەنگی دا و سپای ئیسرائیل داوای لە هاووڵاتیانی ئیسرائیل کرد تا ئاگادارکردنەوەی زیاتر لە پەناگەدا بمێننەوە.
