سازمانی خه‌باتی کوردستانی ئێران
وتەبێژی سپای ئیسرائیل ڕۆژی یەکشەممە ۲۵ی جۆزەردان لە پۆستێکدا لە کەناڵی ئێکس، ڕایگەیاند کە هێزی ئاسمانی ئیسرائیل شوێنەکانی هەڵدانی مووشەکی ڕژیمی ئێرانی دەستنیشان کردووە و لە چەند سەعاتی ڕابردوودا شەپۆلێکی نوێی هێرشی لە ڕۆژئاوای ئێران ئەنجامداوە.
ئاماژەی بەوەشکرد، هێرشەکان ژێرخانی هەڵگرتن و هەڵدانی مووشەکیان کردۆتە ئامانج و گرتەیەکی ڤیدیۆیی هێرشەکانی بڵاوکردەوە.
هاوکات سپای ئیسرائیل ڕایگەیاند کە لە چەند سەعاتی ڕابردوودا حەوت فڕۆکەی بێفڕۆکەوانیان گرتووە.
لە لایەکی دیکەوە، ڕافی میلۆ، فەرماندەی بەرەی ناوخۆی سپای ئیسرائیل پێداگری لەوە کردەوە کە ئیسرائیلییەکان ڕووبەڕووی قۆناغێکی مەترسیدار بوونەتەوە و دەڵێت: ڕووبەڕووی ڕۆژانی سەخت دەبینەوە.
بەڵام وتی کە "سپا سوورە بۆ پاراستنی وڵات.
