سازمانی خه‌باتی کوردستانی ئێران
ئەمڕۆ یەکشەممە، گرتە ڤیدیۆییەکان بڵاوکرانەوە کە باس لە تەقینەوەکانی کارگەی پیشەسازییە ئەلیکترۆنیەکانی (سائیران) لە شیراز، سەر بە وەزارەتی بەرگری و پشتیوانیی هێزە چەکدارەکانی ڕژیمی ئێران دەکەن.
ئەم کارگەیە کە ئامێری پەیوەندی ئەلیکترۆنی و بینایی و پەیوەندی سەربازی و ڕادار و پارچەی فڕۆکەی بێفڕۆکەوان بەرهەم دەهێنێت، لەلایەن سپای ئیسرائیلەوە کراوەتە ئامانج.
لە هەمان کاتدا، ئێوارەی ڕۆژی شەممە ١٤ی خەرمانان، ئیسرائیل لە ئۆپەراسیۆنێکی دیکەدا، بارەگای وەزارەتی بەرگری و پشتیوانیی هێزە چەکدارەکان و ڕێکخراوی لێکۆڵینەوە و داهێنانی بەرگری (سپەند)ی لە ناوچەی تازە دامەزراوی تاران کردە ئامانج. ڕاپۆرتەکان لە ئیسفەهانەوە ئاماژە بە تەقینەوەی قورس دەکەن کە لە ئەنجامی هێرشەکانی ئیسرائیلەوە ڕوویانداوە. جێگری پارێزگاری ئیسفەهان ڕایگەیاند، یەکێک لە ناوەندەکانی سەر بە وەزارەتی بەرگری لە شارەکە کراوەتە ئامانج.
