سازمانی خه‌باتی کوردستانی ئێران
ئێستا ناوچەی سەرووی پونەک لە ڕۆژئاوای تاران کراوەتە ئامانجی هێرشە ئاسمانییەکانی ئیسرائیل. ئەم هێرشە بووەتە هۆی ئەوەی کە دوکەڵێکی زۆر لە ئاسماندا دروستبێت.
هەروەها بەپێی ڕاپۆرتەکان، تەقینەوەیەکی بەرز لە دەور و بەری فڕۆکەخانەی مێهرابادی تاران بیستراوه.
وێنە بڵاوکراوەکان ئاماژەن بۆ هێرشێکی دیکە بۆ سەر شوێنی ڕادار کە دەکەوێتە ناوچەی گەرمدەرە، لە نێوان تاران و کەرەج دەکەن.
ئەو شوێنە کە بە یەکێک لە ناوەندە سەرەکییەکانی بەرگری ئاسمانی دادەنرێ، ڕۆژی شەممە بە هێرشی ئاسمانی کراوەتە ئامانج و زیانێکی زۆری بەرکەوتووە.
هەروەها بەپێی هەواڵەکان، ئێستا بینای ڕادیۆیی تاران کراوەتە ئامانج. هەندێک سەرچاوە باسیان لە بیستنی دەنگی تەقینەوەیەکی گەورە لە دەوروبەری بیناکە کردووە.
هەروەها ڕاپۆرتەکانی هاووڵاتیان ئاماژە بەوە دەکەن کە دەنگی تەقینەوەیەک لە نزیک هۆتێل ئێسپیناس پڵەس بیستراوە.
